حدوتة أقزام التقويم

السلام عليكم ورحمة الله وبركاته

مؤخراً سألتني بعض الأخوات عن حدوته لتقديم الأقزام 
في تجربتنا لم أستخدم حدوته فقط شاركوني في اختيار الألوان وتعرفنا عليهم وعرفنا مكانهم ولكن استجابة لطلب الأخوات سأضع فكرة بسيطة قد تساعد إحداكن ممن يردن تقديم أقزام التقويم باستخدام حدوته

كان ياما كان كان في سبع أيام ظراف لطاف بيجوا ورا بعض بالترتيب أسماؤهم كانت السبت الأحد الإثنين الثلاثاء الأربعاء الخميس الجمعة


كان فى ولد اسمه يحيى بيحب الأيام جداً جداً وبيحب يغنى أغنية الأيام ( هنا غني أى أغنية بأسماء الأيام مع العلم انكم هتثبتوها فترة لحد ما الطفل يحفظ أسماء الأيام بعد الحدوته هنغني الأغنية عند تغيير التاريخ)
يحيى كان عنده مشكلة إنه دايما يتلخبط ف الأيام وينسى اسم اليوم ويقول يوم تانى
فكريعمل إيه يعمل إيه؟! ودعى ربِنَا يساعده لحد ما وصل لفكرة 💭
قرر إنه يستخدم الأقزام الجديدة إلى مامته جابتها
يحيى أخد سبع أقزام بنفس الحجم والشكل ولون كل واحد بلون
 لون السبت باللون الأصفر
الأحد بالبرتقالى
الإثنين بالأحمر
الثلاثاء بالأخضر
الأربعاء باللبنى
الخميس بالوردي
الجمعة بالأبيض
( هنا بنعرض الاقزام قزم قزم مع كل اسم يوم لو كنّا نفذناها)
يحيى بص للأقزام وهو مبسوط وفرحان فكر يحطهم فين يحطهم فين !!
قام بسرعة عملهم بيت صغير هو وأخته مريم البيت كان فيه أوضة واحدة بس بينام فيها الأقزام وقدام البيت بيقف قزم الْيَوْمَ إلى عليه الدور

يحيى بقى كل يوم أول ما يصحى من النوم يجرى ع بيت الأقزام ياخد قزم الْيَوْمَ الى خلص ( إمبارح) يدخله يرتاح ف البيت وياخد قزم الْيَوْمَ الى عليه الدور يحطه قدام الباب عشان يشوف شغله وهو بيغنى أغنية الأيام


وبكدا يحيى عرف الأيام كويس جدا وما بقاش يتلخبط فيها وبَقى فرحان
وتوته توته خلصت الحدوته

لقراءة حدوتة القفاز اضغط هنا

اضف رد

لن يتم نشر البريد الإلكتروني . الحقول المطلوبة مشار لها بـ *

*